Shillong,Rymphang,04: ka election sha ka iing dorbar jong ka KHADC kan long ha ka 24 tarik mynta u bnai bad ka jingthep kyrteng nomination kan sdang la shai ka sngi. Ka seng KHNAM mynta ka sngi kala pynbna sa 13 ngut ki kyrtong kiban ia khun ha kane ka MDC Election.
Ki khat lai ngut ki kyrtong ki kynthup ia ki ar ngut ki myntri barim jogn ka jylla u Bah PN Syiem bad u Bah PT Sawkmie, Kine baroh ar ngut ki la pyniasoh ia lade bad kane ka seng KHNAM kaba ki la don bynta lang ha ka por ba seng ia ka hynrei kim shym la ia don bynta haba pynlongdoh pynlong snam ia kane ka party.
Kiwei ki kyrtong ki long u Bah Adelbert Nongrum na 19-Jaiaw u ba dei u working president jong ka seng, u Bah Pyndapborthiaw Saiban na Shella kum u president jong ka seng bah James Ban Basaiawmoit na Mawkhar Pynthorumkhrah,u bah LatiplangKharkongor na Nongthymmai,Elphrin Lawai na Sohryngkham, ka kong Crisstabel Wanniang na Umroi, Bah Kodios Thongni na Jirang, ka kong Probiti Nongpluh na Laitumkhrah-Malki, Iengskhem Diengdoh Langkyrdem- Laitkroh, bah Andreas Kharkongor na Laban- Mawprem bad u Bah Allowis Dohtdong na Mawkynrew.
Haba kren ha ki nongthoh khubor mynta ka sngi u Bah Saibon u la ong ba ka jingpynieng ia kine ki 13 ngut ki kyrtong ka long ban kham pynkhlain noh ia la ka jong ka seng riewlum bad ym ba ka seng nongwei kan ioh ban shynshar namar ba ka District council ka don ha ka ka bor ha ki liang ban iada ia ka jaitbynriew.
Ka seng ka la ioh ruh ban ia kren bad ia tai sani bha ha kaba ia dei bad ka jngwan rung kyrthep ki briew kiba na bar ha kane ka jylla kumjuh ruh ban pynthymmai ia ki rukom ai trading license ia ki bar jylla.
Halor ka shong kha shongman ki khynthei khasi, ban buh beit buh ryntih ia ka riti ka dustur jongka jiatbynriew khasi,ban pynkhlain iaki dorbar shnong ,raid bad hima ,ka khyndew ka shiap ki mar poh khyndew,kane ka seng ka la ong ruh ba dei ban pynduh noh ia ka Para 12(A)jong ka sixth schedule namar kane ka khanglad ia ka District Council” la ong u Bah pyndap.(SPNews)
