Shillong Nailur 02: Hadien ka jingkut jong ka Pakhang Shnong kaba 12 kynta na ka liang ki sengbhalang kila pynlong ia ka jingialang bad kila shim ia ka rai ban pynlong sa da ka Pakhang Surok ne ka Road Blocade ha ka 4,5 bad 6 tarik mynta u bnai ha baroh kawei ak Meghalaya bad kane ka Pakahng Surok kan sdang naduh ka por 9 baje mynmiet haduh 5 baje mynstep.
Ha pyntip sha ki lad pathaikhubor u Vice president jong ka KSU u F Kharmawphlang u la pyntip lyngba ka phone ba na ka liang jong ki seng bhalang ki la ia kynduh mynta ka sngi bad ki la shum ia ka rai ban khot da ka pakhang surok miet kum ka jingbteng ia kane ka jingiakhih ka jong ki ban dawa ia ka ILP.
Shuh shuh ula ong ruh ba ki sengbhalang ngi ai khublei kyrpang ia ki paidbah kiba la iasnohkti bad kyrshan ia kane ka jingiakhih ha baroh kawei ka jylla bad kane ka jingiakhih kala long kaba seisoh bad ula ong ruh ba lada ka sorkar ka dang iai kuman ki snegbhalang kin dang pynjur shuh shuh ia ki jingiakhih ban pynbor ia ka sorkar ba kadei ban pyntreikam noh mardor ia ka Inner Line Permit(ILP) ha ka jylla ban tehlakam ia ka jingwan rung kyrthep ki mynder ri bad ki bar jylla. (SP News)
