Shillong, Jylliew 25: U myntri rangbah ka jylla u Dr Mukul Sangma mynta ka sngi u khot ia ka jingialang jong baroh ki MLA na Garo Hills ban ia kren ia ka jinglong jingman jong ka shong suk shong sain ha GaroHills. Kane ka jingialang ka la neh palat ia ka ar kynta.
Ha dien ba la wai ka jingialang na ka liang jong u myntri rangbah ka jylla u Dr Mukul Sangma u la pyntip ba ha kane ka jingialang la jied ia ka kynhun jong ki hynriew ngut ki MLA na GaroHills ba kin leit sha ki bynta jong ka Garo Hills ban kyrparad ia ki paidbah ba ki dei ban pynneh pynsah ia ka jingshong suk.
Ban wanrah ia ka jingaishong suk shong sain ka jingialang ka la rai ban thaw ia ka “interfaith forum” ka kynhun jong ki jaid niam baroh ryngkatki bor ba dei peit ia ki District Adminstration ban kyrpand ia ki paidbah ban long kiba jai jai ban peit ba ka jingshong suk shongsain kan wan ha Garo Hills.
Kane ka jingialang mynta ka sngi ka kyrpad ia ki paidbah ba kin long kiba jai jai khlem da shah ialam bakla ha ki briew kiba kwah ban wanrah ia ka jingkulmar da ki katto katne ngut ki briew. Ha ka juh ka por ka jingialang ka pynrem jur ia ka jingpyniap ia ki briew kiba luilui.
Kane ka jingialang ruh ka la shim ia ka rai ba ka sorkar ka dei ban shim ki lad ki lynti kumno ban khanglad ia ki jingpyndon kam ia ki lat phah jingtip ia kaba la tip kum ka Social Media ba kimd ei ban pynshit ia kane ka jingjia na ka liang jong ki pulit ki la kem ruh ia kiba don kti ha kum kine ki kam.
Haba la kylli balei ka shim por ia ka sorkar ban khot ia kane ka jingialang, na ka liang jongu myntri rangbah u la jubab “ kata ka dei ka jingsngew kajpng phi ym ka jingsngew jong ka sorkar”. U myntri rangbah u la pyntip ruh ba la phah ar ngut ki myntri sorkar sha Garo Hills ba ki leit jngoh ban lap ia ki jingshisha baroh.
Kaba kongsan eh ka long ba na ka liang jong ka sorkar Meghalaya kan ia kren bad ka sorkar Assam ban peit ba baroh arliang kin long kiba peitngor ha ki khappud ba kan nym don kano kano ka jingjia kaba sngewsih. KI MLA kiba la ia poi sha kane ka jingialang baroh ki long 15 ngut na ka 24 ngut, kiba kham paw kiba la poi ki long u James K Sangma (NCP) u Clifford Marak (GNC) Saleng A Sangma, Debora CH Marak, ka kong Roshan Warjri kum ka myntri kam poh iing.(SP News)
