Tura, Kyllalyngkot 11: Ki suba lehnoh na ka kynhun ANVC(B) mynta ka sngi kila pynbethei bom ha Tura West Garo Hills ha ka jaka kaba la tip kum ka Hawakhana ha jan jong ka petrol pump ha kane ka jingjia ar tylli ki kali kila julor bad na ka liang jong ki briew kim shym la don ba mynsaw.
Na ka liang jong ki pulit kila kynnoh ba ia kane ka kam la leh da ki lehnoh na ka kynhun jong ka ANVC(B), hynrei na ka liang jong kane ka kynhun kam shym la kam ia kane ka jingjia ban ong ba ki la leh ia kane ka kam pynbethei bomb.
Ki lehnoh ANVC(B) ar sngi mynta kila mih ha katei ka jaka sah ka jong ki ha dien ba ka la mih ka jingiakynad hapdeng ki pulit bad kane ka kynhun lehnoh kaba la wan sha khmat ban ia soi ia ka soskular jingiasuk bad ka sorkar.
Ha kane ka jaka ki dkhot jong ka ANVC(B) ki sah kumba 100 ngut ei ei hynrei kila mih noh bad u nongialam jong ki u Rimpu Marak ruh u juh wan sah ha kane ka jaka. Na ka liang jong kane ka kynhun kila shim ia ka rai ba kin nym kynrandien na ka jingiasoi ia ka soskular ia suk bad ka sorkar. Kaba kongsan mynta ka long ba ki dkhot kane ka seng ki dei ban don ia ka jingshong shngian.(SP News)
