Jowai Naiwieng 12: Ka Jaintia Students’ Union (JSU) Sengkmie da kawei ka jingmut kala shim iaka rai ban pyndam noh shipor ia kawei ka Circle jong Ka Narpuh Circle
halor ka jingmih shibun ki kynrum kynram ha pdeng ki nongialam jong kane ka Circle namar ki la don ki katto katne kiba long kum ki lang iong kiba khwan myntoi shimet bad kiba iaid lait iaka riti synshar (Constitution jongka Union)jong ka Seng.
Ka JSU Sengkmie ha dien baka la lap iaka jingshisha ba la don kiba pyndonkam bakla iaka kyrteng jongka Union kumjuh ka jingiaid lait iaki kyndon jongka Seng da ki katto katne ki nongialam ba hakhmat jong kane ka Circle kaba kynthup ia u president kala shim iaka rai ban beh seng noh shi syndon ia u Shri. Dahun Lamare uba long u President jong kane ka Circle,
Hadien ka jingbeh seng ia u President ki la don pat ki katto katne ki member kiba pyrshang ban said khuid ia kane ka jingleh donbor jong u President kane ka Circle bad ki katto katne ha kaba la mih biang ki kynrum kynram bad ki jingbynsngewthuh jingmut shuh ha pdeng ki nongialam bad ki member jong kane ka Circle.
Kumta khnang ban dup lah ban khanglad ia baroh kito kiba don ka mynsiem khwan myntoi shimet da kaba pyndonkam bakla iaka kyrteng jongka Seng, bad da ka jingiaid lait iaka riti synshar jongka, ka JSU Sengkmie kala shim iaka rai kaba tyngeh daka ba weng/ pynwai syndon shipor ia kane ka Circle tad haduh bala pynbeit thymmai pat, namar ngim donkam iaki riew shim kabu lane ki khwan myntoi shimet hapoh ka
Union hi baroh ong u general Secretary ka JSU Sengkmie Samla Emperor Bareh.
Kumta lyngba kane ka kyrwoh khubor la pyntip ba naduh ba la shim iaka raid aka JSU Sengkmie ym don shuh ba lah ban kam ialade mano mano ruh kum ki nongialam lane ki member jongka jong kane ka Circle tad haduh bala pynbit pynbiang pat da kumwei. Lada don kiba dang shim kabu lane pynthoh bria iaka Union, ka Seng hi kan leh da kaba tyngeh bad kan ymdon jingbah klhlieh ei ei ruh em. Khatduh ka union ka kyrpad iaka jingiatreilang, jongki paidbah khnang ba ka seng kan lah ban pynduh ia kum kine ki riew shim kabu bad ai iaka jingshakri iaka imlang sahlang haka rukom kaba dei khlem ka dak
mong.(SP News)
