Shillong, Nailur 23: Ka sorkar jylla Tripura ha dien ba ka la iohi i
a ka jingpyrshah jur jong ki paidbah ban pynkylla kyrteng ia ka “Tripura State Museum Ujjayanta Palace” sha ka “Trpura state Museum” mynta ka sngi ka la shum ia ka rai ban pynneh ia ka kyrteng kaba rim.
Kane ka kynhun ban pyrshah ia katei ka jingthmu jong ka sorkar la ialam da u Pradyot Bikram Kishore Debbarma, ryngakt bad palat 15,000 ngut ki samla kila ia lum ha Astabol kum ka jingiaid paidbah ban dawa na ka sorkar ba dei ban pynneh ia kane ka kyrteng kumba la buh.
Kane ka jingiaid paidbah ka la long kaba jop ha kaba ka sorkar ka la mynjur ban pynneh pynsah ia katei ka kyrteng kumba ka long, hynrei ka sorkar ka la thmu ban pynkylla kyrteng ia ka ha kaba u Vice Presidetn jong ka Ri India u India, Md. Hamid Ansari u dei ban plie ha ka 25 tarik mynt au bnai.
Ha dien kane ka jingiakhih paidbah na ka liang jong ka sorkar Tripura ka la pyntip sha u Syiem jong ka Tripura u Pradyot Debbarma, ba ha katei ka jaka ym tei ia u mot jong u Syiem Maharaj Radha Kishore Manikya, ia kaba la shna ha ka por jong u ia katei ka iing syiem.
Kane kan long ka burom ia ki paidbah jong ka jylla Tripura ha kaba ia ka dur mot jong u Syiem yn buh ha katei ka jaka. Ia kane ka jingshim rai jong ka sorkar la pdiang sngewbha da baroh ki seng kiba dei ki riew lum na katei ka jylla.(SP News)
