Shillong, Jylliew 22: Mynta ka sngi ki 234 ngut ki samla kiba la shah hikai kyrpang ha ka kam shipai ki la pyndep ia ka jinghikai kaba 44 taiew bad mynta la pynrung ia ki ha ka kam shipai, ia kane la pynlong ha 58 GTC shillong.
Ia ka jingshim salute ia kine shipai ba dang shu lah ban pyndep ia ka jinghikai ka jong ki la leh da u Brigadier Manohar Thomas, Commandant 58 Gorkha Training Centre. Ha ka jingkren jong u tei u heh shilai jong ka 58 GTC, u la ong ba ki kyrmen ba kine ki shipai kiba dang dep ia kane ka jinghikai kin imia ka jingim kumba la hikai ia ki
Ha kane ka sngi da ki hajar kiba ha ing ha sem ki parlok jong ki shipai ki la wan ban sakhi ia kane ka sngi sah kynmaw ha ka jingim jong kitei ki shipai kiba dang shu dep ia ka jinghikai ka jong ki. Ha kane ka sngi ki la don ruh ki jingshad tynrai ban pynphuh ia kane ka sngi.(SP News)
