Shillong, Nailur 04: Mynta ka sngi ka Assam Regimental Centre ka la pynlong ia ka jingiaid pa
idbah jong ki shipai kiba dang shu pyndep thymmai ia ka jingshah kikai ka jong ki. Kine ki shipai baroh ki don 529 ngut.
Ha kane ka jingiaid parade mynta ka sngi kine ki shipai ki la shim ia ka jingsmai ba kin iati ia la ka jong ka jingim namar ka Ri, ia kane ka jingpynshim smai la leh da u Lieutenant General RN Singh, AVSM, SM, VSM, Colonel jong ka ARC ha ka jingiadon lang ki heh shipai.
Ha ka jingkren jong u L G u R N Sing u la ong ba kane ka kam ka dei ban aiti lut met bad mynsiem na ka bynta ka Ri, u la ong ruh ba kane ka kynhu shipai ARC ka la leh bun kiei kiei na ka bynta ka Ri bad ia kane ka thian baroh kawei ia kane kaba ki la don mynta dei ban pynneh pynsah ia ka.
Ha kane ka sngi ka la don ruh ka jingai khusnam ia ki shipai kiba dang shu pyndep ia ka jingshah hikai ka jong ki bad kane ka jingai khusnam ka long ha kiba bun ki bynta jong ka jingshah hikai kaba ki la pyndep.
Kane ka dei ka sngi sah kynmaw na ka bynta kiba ha iing ha sem kiba la ia don lang ha kane ka sngi ban sakhi ia ka jinglah ka jong ki ban pyndep ia kaba don kam ha dien ba ki la ioh ia ka jinghikai ban don ha kane ka kam ba donburom ban long ki nongda nongker ia ka Ri. (SP News)
