Shillong, Jylliew 05: U Lat kajylla Meghalaya Ranjit Shekhar Mooshahary mynta ka sngi u la pinup burom ia ka kong Wansuk Myrthong kaba la pynsah nam ia ka jylla Meghalaya, kum ka kynthei kaba nungkong kaba la lah ban kiew ia u lum mangkashang.
Ka kong Myrthong ka dei kaba trei ha ka kam pulit jong ka jylla Meghalaya kaba dang 30 snem ka rta, kane ka jingjop ka jong ka kala pynkhraw ia ka jaid bynriew khasi kaba shim jaid na ka kynthei.Ha kane ka jingpynkup burom la don lang ruh ki heh pulit jong ka jylla.
Haba iathuh ia kane ka jingkiew ia une u lum ba jongtam ha ka pyrthei, ka la ong ba ka jingkiew kam dei kaba suk ki don bun ki jingeh ki ba bun bad khamtam eh na ka jingkhrait, hynrei ka la buh tang kawei ka thang kata ka long ba dei ban ioh ban iuh kjat ha kliar jong une u lum.
Ka la ong ba kane ka jinglah ban kiew ia une u lum kal lah ban pynrulong ia ka jingnangud kajong ka. Ka la ong ba ka la ieng ha kliar jong u lum haduh 10 minit.Ka ai nguh ia u nongbuh nongthaw uba la kyrshan ia ka. Naka liang jong ka tnad pulit kan sa pynkiew kyrdan ia ka sha ka kyrdan ASI.
Ha kane ka sngi kaba dei ka sngi rakhe ia ka iingpynneh ia ka mei mariang kala don ruh ka jingiathung dieng lang ha phyllaw iing jong u Lat ka jylla.(SP News)
