Jowai, Naiwieng 07: Mynta ka sngi la dep donburom ia u Bah Marshanstar N
ongdhar u wei na pdeng ki san ngut ki pulit kiba la duh ei ia la ka jong ka jingim ha ka jingther kuli jong ki lehnoh GNLA ha South GaroHills.
Ia ka met jong ki ar ngut ki pulit u la pynpoi mynta ka sngi sha shnong Dong Khimmusniang Jowai bad la aiti sha kiba ha iing ha sem jong ki ban pyndep ia ka niam ka rukom ha ka jingiadon lang ki khun ki kti bad kiba ha iing ha sem.
Ha dien ba la pyndep ia ka jingleh donburom kaba khatduh na ka liang jong ki pulit, kiba ha iing ha sem ki la shimti ia la ki jong kiba ieit ba thoin, ia u Bah Nongdhar la shimti da kiba ha iing bad rah ia u sha ka shnong jong ki ha Umkyrpong jong ka East Jaintia kaba dei ka shnong ka kmie ki khun jong u. Katba ia u samla Lekichen Ryngkhlem la rah da kiba ha iing sha ka shnong jong u ha Demthring West Jaintia Hills.
U Bah Lekichen u la rung ha ka kam pulit ha u snem 2007 bad u don ha ka Fire Service haduh ka sngi jingiap jong u ia ka niam ka rukom la pyndep mynta ka sngi ha ka shnong jong u katba ia u Bah Manshanstar kin pyndep la shai ka sngi da kiba ha iing ha sem ha shong ka kurim.
Ki heh sorkar kiba la ia don lang ha kane ka sngi ki long kynthup na u Bah PBO Warjri. Ad Chef Secretary, ka kong Amparin Lyngdoh Myntri ,Bah Justin Dkhar ,bah Stephan Mukhim MLA, Bah HG Lyngdoh SP West Jaintia Hills, P.S.Dkhar. DC West Jaintia Hlls bad la ioh ruh iaka Shithi Sngewlem na u Dr DD Lapang, bad na Dr. R.C.Laloo Symbudmyntri rangbah ka sorkar jylla.(SP News)
