Shillong, Risaw 25: Ki pulit jong ka Dawki mynta ka sngi kila kem ia ar ngut ki briew kiba dei ki khar Bangladesh na ka Jaka kaba la tip kum ka Lad Jowai, ha ka shnong Bakur. Ki pulit ki la ioh ban kem katba ki dang rung sha India.
Kine ki ar ngut kiba la shah kem la tip kyrteng kum u Suhak Mia na ka shnong Garhasamla kaba hap hapoh jong ka Katdamli police station jong ka Maimensing District, u wei pat u Jowel Mia na ka shnong Rukshdupar kaba hap hapoh jong ka Apara police station kaba hap poh jong ka Natrajuni District.
Ki pulit jong ka Dawki ki la pyngat ia kine ki ar ngut ki khar Bangladesh hapoh jong ka Foreigners Act bad mynta ki dang don ha kti jong ki pulit ban tohkit ia ki ha kaba ia dei bad kane ka jingwan beain ka jong ki sha kane ka Ri India.(SP News)
