Shillong Jylliew 09: Ki nongthoh khubor na ka liang shatei lamih ngi jong ka Ri India mynta ka sngi ki la ia shim bynta ha ka jingialang kaba ar sngi ha Shillong ia kaba la pynlong da ka South Asain Media Solidarity Network kaba dei ka tnad jong ka International Federation of Journalist.
Ia kane ka jingialang la plied a ka myntri ba dei peit ia ka tnad kam bylla ka kong Ampareen Lyngdoh , ha ka jingkren ka jong ka ka long ba na ka liang jong ka sorkar ka pyrshang katba lah ban peit ia ka bha ka miat jong ki nongthoh khubor.
Ka la ong ba kane ka kam thoh khubor ka long kaba itynnad hynrei ki nongthoh khubor ki don hapdeng ka jingeh kaba khraw namar ka ka la dep mat ia kane ka kam mynshuwa.
Ha ka jingkren jong ka kong Patricia Mukhim ka la ban jur ba ki nongthoh khubor ki dei ban don ia ka jingkit khlieh na ka bynta ka imlang sah lang. Ha ka juh ka por ka la ong ba ki dei ban pule ban long kiba peiphang ban tip ia ki jingjia sawdong sawkun.
U Secretary jong ka Indian Journalists Union, U Geetartha Pathak, ha ka jingthoh kaba u la ai ha kane ka jingialang u la kdew ia shibun ki jingeh kaba ki nongthoh khubor ki ia kynduh ha kiba bun ki liang, ha kaban ai jingtip sha ki paidbah bad ha ka juh ka por ban pynkhlain ia ka synsahr paidbah.(SP News)
