Shillong, Naitung 22: Ka kynhun jong ki seng bhalang bapher bapher mynta ka sngi ryngkat bad ki paidbah jong ka shnong Sabuda mynta ka sngi ki la pynlong ia ka jingialang paidbah ha Sabuda ban pyrshah ia ka jingleh donbor jong ka jylla Assam ban pynnpra ia ka iing shet ja sngi na ka bynta ki khynnah skul ha katei ka shnong.
Kane ka jingialang ka long ban pynpaw pyrshah ia ka jingleh jong ka sorkar Assam badha ka juh ka por ban pynpaw ia ka jingpyrshah ka jong ki ia ka sorkar jylla kaba la shah jem ia ka jingleh jong ka sorkar Assam. Kaneka jingialang ka kwah ba ka sorkar ka dei ban leh ei ei noh ban pynbeit ia u pud u sam bad ka sorkar Asssam.
Na ka liang jong u Syiem ka Riad Nongtung u Bah M Shadap haba kren ha u SP News Agency u la ong bay m lah shuh ba ong kumno kumno ruh u don ha ka umdum mynta ba balei ka sorkar Assam ka buh thong tang iaka shnong Sabuda ban pynpra ia katei ka iing skul haba ki don kiwei ruh ki iing skul.
La ong ba ia kane ka iing skul ka tei ha u snem 1995 bad ka la iaid beit haduh mynta kam don ei ei ka jingwit hynrei mar ia tei ia ka iing shet ja sngi ia ki khynnah skul ka sorkar Assam ka wan ban pynpra u la ong ba um nang shuh ban ong kumno kumno ruh. (SP News)
