Shillong, Rymphang 06: Kumban pynkhlain shuh shuh ia ka kynhun ialehkai ka, Shillong Lajong Football Club kala pynrung ia u Durga Boro bad kane ka kynhun ialehkai.
U Boro u ba dang 27 snem ka rta u dei na ka jylla Assam, mynshuwa u ialehkai na ka Oil India bad nangta u la poi sha ka Churchill Brother Football Club bad mynta u la wan ban pyniasoh ia lade bad ka Shillong Lajong football club.
U General Secretary jong ka Shillong Lajong FC u Bah Larsing M. Sawyan u la ong ba “ Ngi sngewtynnad ia kane ka jingwan jong u Boro sha ka Club kumu nongialehkai ba ha khmat, ha u snem 2009 kila kwah ba un don bad ki hynrei kala wan urlong mynta”.
U Durga Boro, la tip ia u ia ka jingsted bad ia ka jingsting jong u ha ki jingialehkai bad u la ia lehkai bun sien na ka bynta ka jylla bad ha ki wei ki ri jong ka pyrthei bad da ka jingdon ka jong u mynta bad kane ka kynhun kan iarap shibun ia la Lajong FC ha kine ki jingialehkai kiba dang sah namar ba u dei na kane ka thain.(SP News)
