Shillong, Lber 18: Ka seng Bharatiya Janata Party mynta ka sngi kala pynbna paidbah ba kan pynieng ia u Bah Shibun Lyngdoh kum u kyrtong MP ban ia khun na ka 1-Shillong Parliamentary Seat.
Kumba ka long haduh mynta ka jingiakhun ia ka MP election na kane ka 1-Shillong Parliamentary Seat kin poi sha ka san ngut ki kyrtong, Ka Congress, UDP, Rev PBM Basaiawmoit kine ki long ki seng sain pyrthei kiba la dep ban pybna ia ki kyrtong jong ki.
Kumba ka long mynta na ka liang jong ka seng AAP kala dep ban pynbna ia u Bah Amerington Kharshiing ban ia khun na kane ka 1-Shillong parliamentary Seat. Katba ka HSPDP bad ka KHNAM kan kyrshan ia u Rev Basaiawmoit.
Ka sngi ba khatduh ban thep kyrteng ka long ha ka 22 tarik mynta u bnai bad ka sngi ba khatduh bakin weng na ka lyngpung jingiakhun kan long ha ka 26 tarik.(SP News)
