Shillong, Jylliew 22: ha dien ka jingjia ha Tura ki shipai BSF mynta ka sngi ki la pynjur ia ka jingpahara ka jong ki ha baroh ki mynta jong ka Garo Hills khamtam ha ki jaka ba sah ki wei pat ki jaidbynriew.
Kane jingpahara ka dei naduh ki khappud bad ka Bangladesh, ki khappud bad ka jylla Assam bad ha ki jaka ba don bun kiwei ki jaid bynriew, kum ha Mankachar. Na ka liang jong ki BSF ki la ai ka jingiarap ban iaid pahara ha kylleng ki jaka ba don ka jingshongsyier.
Kumba 250 ngut ki briew la pynsah ha ka camp jong ki BSF ban ai ia ka jingiada ban peit ba kan nym don kano kano ka jingkulmar, kine ki jaka sah ki long ha Prahari Nagar bad Dhanakgiri ha Tura, bad ha ka outposts jong ki BSF kaba don ha Gasuapara bad Kilapara.
Naka liang ki BSF ruh ki la peitngor bha ia kane ka jingjia ha Garo Hills bad ki long kiba la kreh ban tem lada ka mih kano kano ka jingiakulmar ha ka Garo Hills.(SP News)
