Khliehriat Jymmang 21: Ka Khasi Students’ Union Narpuh Circle
mynta ka sngi kala ioh ban pynkha sa kawei ka tnad treikam jong ka
ha ka shnong Umstain Narpuh Elaka, East Jaintia Hills District. Ia
katei ka Shnat treikam ka KSU la tip iaka kum ka KSU Umstain Unit.
Ha katei ka jingpynkha ia katei ka Unit la don shwa ka jingialang ia
kaba la pyniaid da u President ka KSU Narpuh Circle u samla Syrosse
Lamare bad la ioh ruh iaka jingkren ban ai jingsneng jingkhraw iaki
dkhot kiban rung thymmai shaka Seng daki nongialam ka Seng kynthup ia
u General Secretary ka KSU Narpuh Circle u samla K.Suchiang, samla
C.Suja Asst GS ka KSU JHDU, samla Ohibait Dkhar Vice President ka KSU
JHDU bad kiwei kiwei pat kiba ai jingkren, katba iaka jingpyntiansmai
iaki dkhot ba thymmai la shimti da U Samla Streamly S Niangti.
U samla Streamly S Niangti haba ai jingkren hakatei jingialang ula
banjur iaki dkhot ba thymmai ka Seng ba kidei ban trei shitom met bad
mynsiem naka bynta ka Ri bad ka Jaitbynriew khlem da khmih lynti iaka
jingmyntoi shimet kiba lah ban wanrah sha ka jingmynsaw kaba shyrkhei
iaka Jaitbynriew.
U samla Niangti ula kyntu jur ruh iaki dkhot ka seng kiba don hakatei
ka Unit ba kimdei ban ailad iaki company Cement ban wan thied jaka
naka bynta ban tih Mawrasong(Limestone) namar ka jingtih maw jong ki
Company ka wanrah iaka jingjulor ba shyrkhei jong ki Lum ki Wah, ki
Umbam ki Umdih bad ki khlaw ki btap. Utei u samla u la ong ruh baka
jingailad iaki Company Cement ban tih bad khlong maw ymtang baka
pynjulor iaki lum ki wah bad ki khlaw ki btap hynrei ka pynduh ruh wat
iaka jinglong ba itynnad ka mariang bala ai sngewbha da U Blei.
Ha katei ka jingpynkha tnad thymmai la ioh ban pynbamsmai iau Samla
Robi Suchiang kum u President bad General Sectetary ia u samla Shkem
Lapasam. La pynbamsmai ruh iaki nongkitkam bapher bapher jong katei ka
Unit kynthup ruh iaki 12 ngut ki dkhot ka seng hakatei ka Unit pynkut
ka kyrwoh na u Asst Publicity Secy ka KSU Narpuh Circle.(SP News)
