Shillong, Naitung 14: Ka FKJGP East Khasi Hills District kum shibynta ban Pynkhlain shuh shuh ia ka Jingtreikam jong ka Seng ha ka District, ha ka 13th July 2013, ka Seng hapoh ka jingialam jong u Bah Elton Cliff Warjri President FKJGP EKHD kala Pynlong ia ka Jingialang Paidbah ha ka Shnong Nongkrem ha kaba la iadon ryngkat ruh da ki Longkmie longkpa, ki khun samla jong ka thain Nongkrem na ki dong kiba pher bapher ban iohsngew bad tip kham bniah ia ki rukom treikam jong ka Seng ia kaba la pynshai paidbah da u samla Kitboklang Nongphlang uba dei ruh u Education Secretary FKJGP Central Body.
Ha kane ka sngi la jied ruh ia ki Nongkitkam jong ka Seng ia kaba la Tip Kyrteng kum ka FKJGP Nongkrem Circle bad ki nongkit kam ki long U President Wanshan Kharmudai, Bah Wadbor Kharmutee Vice president, u Bah Raynold Giri Kharsyntiew kum u General Secretary jong ka seng ha kane ka sngi la jied ruh shibun kiwei dei ki nongkit kam jong ka seng.
Ha katei ka sngi iaka jingialang la Pyniaid da u Samla Romerson Maring President FKJGP Laitkor Circle ha kaba la iadon ryngkat ruh u Bah Kynsai War Discipline -Secretary FKJGP Central Body, ki Nongialam jong ka FKJGP Mawryngkneng Circle & Jaiaw Circle kiba la ia wan ban ai Mynsiem lang ha katei ka sngi, ia ki Nongialam ba Thymmai jong ka FKJGP Nongkrem Circle la Pynskhem da u Bah Elton Cliff Warjri, President FKJGP East Khasi Hills District uba long ruh ha kajuh ka Por u Sports Secretary jong ka Seng Kmie.(SP News)
