Shillong, Naitung 27: Ka Coaching Camp jong ka Meghalaya Judo Association kaba ia dei bad ka jingpynkhreh na ka bynta ka Team Sub-junior ka la nang iaid shaphrang ha ka Sports Training Hall J N Sports Complex, Polo Ground Shillong.
ka Sub-junior team kan leit ban ia shim bynta ha ka Sub-junior National Judo Championship 2013 ka ban sdang naduh ka 4 – 9 tarik Nailar 2013 ha ka nongbah Manipur ha kaba yn wan ia shim bynta da ki Judo State Association jong ka Ri India baroh kawei.
Ki khynnah ialehkai Judo (Judokas) ki long kiba la ju wanrah bun ki takma ia ka jylla ha ki jingialehkai ba la dep bad mynta ka kynti ruh ka kyrmen skhem ba yn ioh ban wanrah jingjop ha ki katto katne ki weight category.
Ia ka Coaching Camp la pyniaid da U Dipak Mallick uba long u Judo Coach bad General Secretary ka Meghalaya Judo Association. Kan don ka jingjied nongkitkam kiba thymmai jong ka Judo Federation of India ha ka 4 tarik Nailar 2013 ha Manipur ha kaba ka Annual General Meeting kan song pyrkhat kam na ka bynta kumno ban kham pynbha shuh shuh ia ka jingialehkai Judo ha ka Ri India baroh kawei.(SP News)
