Shillong, naiwieng 08: Ka seng United Democratic Party (UDP) ha ka jingialang kaba la long mynta ka sngi ka la shimia ka rai ban pynkhreh ia u bah Paul Lyngdoh ban long u kyrtong na ka bynta ban ia khun ia ka election MP na ka 1-Shillong parliamentary.
Wat la ka seng ka la dep ban shim ia kane ka rai hynrei kam pat pynbna pat ba ynlong u kyrtong jong ka seng namar ka jingiakren ka dang iaid ban ialeh ban wanrah tang u wei u kyrtong na ka liang jong ki seng riewlum pyrshah ia u kyrtong ka Congress.
Kumba ka long mynta wat la ka seng Congress kam pat rai iano ban ai tiket hynrei la sngewthuh ba kan dang leit hi sha u MP ba mynta u bah Vincent H Pala bad na ka liang jong u Rev PBM Basaiawmoit u ba la long teng u kyrtong jong ka seng HSPDP un iakhun kum u kyrtong ba la pynieng lang. (SP News)
