Shillong, Lber 03: Ka election sha ka iing dorbar jong ki lai tylli ki District Council kan long ha u snem 2014 kaba sah mynta sa tang da ki bnai. Bun na ki MDC ki wah ban pynkylla noh ia ki MDC constituency katkum ka jingpynkylla ia ki District.
Katkum ki thymmei khubor kiba la ioh da u SP News Agency ki iathuh ba na ka liang jong ka Executive Committee kaba la ialam da u Bah Pynshngian Syiem ka la pynkhreh ban phiah katkum ki District.
Kumba ka long mynta ka jingioh ia ka South West Khasi Hills District kala ktah ia ki sw tylli ki MDC Constituency, ka Mawsynram ha kaba ka sawsymper kaba dei ha west khasi hills mynta ka la hap ha East Khasi Hills.
Ka Thain Kulang kaba hap ha West Khasi Hills mynta ka la hap ha South West Khasi Hills, ka Mawkyrwat kaba dei ka nongbah jong South West Khasi Hills ka la ktah ia ki bynta jong ka Pariong Constituency.
Naka liang jong u CEM habakren ha u nongai khubor u la ong ba ka la don ka jingthmu ban leh ia kata hynrei kan nym lah ban wanrah ha kane ka session kaban long la shai ka sngi kan sa wanrah ha ka dorbar mang tyngka.(SP News)
