Shillong, Iaiong 01: Bun na ki nongsiew khajana kiba la leit mynta ka sngi ban siew ia ka Professional Tax ha Khasi Hills Autonomous District Council kila pynpaw ia ka jingsngew kyndit ka jong ki ban tip ba la pynkiew ia kane ka khajana.
Ki la don na ki birew ki ba la leit ban pan ia ki challan ban siew ia kane ka khajana ki la ong ba kumno kata ka KHADC kan shu pynkiew kynsan khlem da pynbna paidbah shuwa ia kane ka jingpynkiew ia ka khajana. Na ka liang jong nongtrei kiba dei leh ia kane ka kam ki ong ba ia mynta kim lah ban shim ne leh ei ei namar ba kim pat ioh ia ka dork aba thymmai.
Naka liang jong u Executive Member ba dei peit ia ka tand khaii pateng haba kren ha u SP News Agency u la ong ba ia kane ka khajana ym lah ban leh hi da ka District Council ka hap ban wan da ka ain lyngba jong ka parliament bad ka jingpynbna sorkar ia kaba la tip kum ka Gazette.
La ong ba kumba ka long mynta kam shym don kano kano ka jingpynkiew bad ka dor jong kane ka Professional Tax ka neh kumba juh shimha kane ki snem kiba la leit namar ia mynta kim pat ioh kano kano ka jingthoh ha kaba ia dei bad kane ka khajana. La ong ba ka dor ba heh duh jong kane ka professional Tax ka dei hi T.2500 tyngka shi snem.(SP News)
