Jowai,kylla lyngkot,03:Kum shi bynta ban kynmaw burom ia ka sngi iap jong u khla wait ka bri u hynnniew trep u Woh Kiangnangbah ka KSU Laskein Circle ka la dep pyllong da ka jingai khusnam sha ki samla pule ki ba wan sha khmat ha ka tei ka thain ha ka 30 tarik jong u December 2013. Ha katei ka jingai khusnam la sdang ha ka por 1 baje hadien ka jingleit buh syntiew ha u mot jong u ne u khlawait ka ri ha Syntuksiar Jowai.
Ha kane ka jingsam khusnam ka KSU Laskein Circle ka la ioh ban pynkup burom ia Khyndai ngut ki samla Pule kiba wan sha khmat ha ki kyrdan pule bapher ha ka kyrteng jong u ne u khla wait ka bri u hynnniew trep.
Ha katei ka jingsam khusnam la ia don lang ki riew rangbah jong katei ka thain kum ubah Phris Sutnga u ba long u Kongsan bad ruh u long u wei na ki riew radbah jong katei ka thain, U General Secretary jong ka KSU Jaintia District Samla Stream Niangti u la iadon lang. Ia ka program la pyniaid da u President ka KSU Laskein Circle u Fivestarson Suiam.
U bah Phris Sutnga ha kaba u ai jingkren kum u kongsan ha ka tei ka sngi u kyntu bad kubur ba ngi dei kynmaw ia ka sngi khraw jong ki khla wait ka ri jong ngi da kaba u banjur ba ka jait bynriew kaba dang kynmaw ia ka sngi jong ki riewkhraw jong ka, ka dei ka jait bynriew ka ba dang im bad ruh u la kyntu ia ki khynnah jong katei ka thain ban ki dei ban minot ha ki jingpule jong ki khnang ba ka jait bynriew kan kiew.
U Samla Stream Niangti haba ai jingkren ha katei ka sngi da ka ba ai khublei ia ki samla pule ki ba shah pynkup burom ha katei ka sngi bad kyntu ruh ia ki ba kin dang iai minot ha ki jingpule jongki.
U Samla Stream Niangti u la ban jur ba ka sorkar dei ban pynbna da ka state Holiday ha katei ka sngi bad u la ban jur ruh ba ka jingpyllong trei jong ki Cement factory bad kiwei ha kum ka ne ka sngi khraw jong ka jaitbynriew ka pynpaw shai kdar ba kim burom ia u khla wait ka ri jong ngi.
Bad ruh ka sorkar ka mut pynlong nong India jubor ia U Hynniewtrep ha ka ba baroh ngi tip ba ki khlawait jong ngi kum u Kiang Nongbah um shym ialeh na bynta ki khar iap hynrei u ialeh na ka bynta ka ri bad ka jait bynriew Hynniew Trep na ka jingleh donbor jong u phareng.(SP News)
