Shillong, Rymphang 03: Ka skul Martin Luther Christian University kaba don ha Shillong mynta ka sngi kala pynkup burom ia u khlieh jong ka niam Buddhist u ba 14th u Dalai Lama da ka kyrdan doctorate ha ka philosophy.
U ne u heh duh jong katei ka niam u la wan sha Shillong bad un sah ha kane ka nongbah lai sngi linter kaba yn leit ban jngoh ia ki jaka mane blei jong katei ka niam.
Ha ka jingkren ka jong u la ong ba ka India ka dei ka nuksa kaba la pyni ia ka jingiatylli hapdeng ki niam kiba bun bad ha ki rukom kren kiba bapher bapher, u la ong ba ka Tibet kam shym kwah ban mih na ka Ri China.
U ne u nongialam niam u la ong ba ka Ri India ka dei ka Ri kaba don ia ka jingbun paid hynrei ka lah ban pynneh pynsah ia ka synshar paidbah wat hapdeng ki jingeh kiba ka ia kynduh na ka por sha ka por.
Na ka liang ong u tei u nongialam niam ua la ong ba ki Tiber kim kwah banmih na ka Ri China hynrei ki kwah ban pynneh pynsah ia la ka jong ka tynrai jong ki namar ka don ka jingiapher bad ka jinglong ki China.
U nong ialam niam u la khot la wer ia baroh ba kin don ia ka jingiashah ha ki jaidniam bapher bpaher kiba don ha kane ka pyrthei. U along na ka jingdon ki briew ha ka pyrthei 10 billion ngut kumba shi billion ngut ki dei ki briew ki bym don ia ka jingngeit.
Une u Dalai Lama u ba 14th u Tenzin Gyatso u la ong ba u la iohi ba wat la ka India ka dei ka Ri kaba riew blei hynrei ka don shibum ki kam bamsap u la kynthoh. U la ong ba ha ka jingiohi ka jong u ba wat la ki briew kiba kam ia lade ba ki long kiba la stad ki dang ngop ha ka bamsap.
U la ong bad pynrkhie ia ki paidbah da ong ba bun na ki paralok jong u ha India ki ong ba ka jingduwai ka jong ki ka long ban pynriew spah ia ki da ka jingim kaba dap da ka jingbamsap. Kane ka dei ka sien kaba nyngkong kaba u la wan sha kane ka jylla Meghalaya.
U la ong ba ka jinghikai u kpa ka jaid bynriew u Mahatma Gandhi ia ka “non-violence” u la ong ba kane ka jinghikai kan sa long kawei ka tynrai ban wanrah ia ka jingshong suk ha kane ka dewbah Asia.
Ha kane ka sngi ki heh jong ka sorkar jylla kiba la ia don lang ki long u Lat jong ka jylla u Dr K K paul, u myntri rangbah ka jylla u Dr Mukul Sangma bad kiheh jong ka skulbah MLCU.(SP News)
