Shillong, Nohprah 09: Ka iing dorbar thawain ka jylla kan sa pynkut ia ka dorbar thawain kaba phra da ka dorbar tlang kaba lai sngi kaban sdang ha ka 11 tarik bad kan kut ha ka 14 tarik mynta u bnai, ha dien kane ka jylla kan sa leit sha ka general elction ban jied ia ki nongmih khmat sha ka iing dorbar kaba khyndai kaban long ha u bnai Rymphang taiew ba khatduh.
Ki sngi ia shong dorbar kin long tang lai sngi, ka 11tarik, 13 tarik bad 14 tarik . Ha kine ki lai sngi la mang ar sngi na ka bynta ki kam jong ka sorkar bad tang shi sngi na ka bynta ki liang pyrshah lada ki don kino kino ki bills, lane ki motion ne ki resolution.
Kane ka iing dorbar kaba phra mynta kan kut ha ka 10 tarik jong u bnai Rymphang 2013, ka election ban jied ia ki nongmih khmat kiba thymmai sha ka iing dorbar kaba khyndai ka dei ban long shuwa jong katei ka por khnang ba ka sorkar kaba thymmai kan ioh ban shimti shuwa ban kut katei ka tarik. Ka lection kaba la dep na ka bynta ka iing dorbar kaba phra ka long ha ka 3 tarik jong u bnai Rymphang.(SP News)
