Jowai, Risaw 22: Ka NSS Unit jong ka Thomas Jones Synod College, Jo
wai ka la pynkut noh ia ka Special Camp jong ka, kaba 7 sngi lynter ha ka shnong Pynthor Langtein, West Jaintia Hills District. Ha kane ka camp ka NSS Unit ka la pynlong shibun ki prokram kiba kynthup kum ka Socio-Economic Survey, free comprehensive eye and diabetic retinopathy screening camp ryngkat ka jingiatrei lang bad ka Bansara Eye Care, Jowai branch, ka jing pynkhuid shnong, ki awareness prokram bad kiwei kiwei.
Ki NSS volunteer jong kane ka College ki la ia shim bynta ha kaba leit rung ha ki ing ki sem ban kylli shaphang ka ioh ka kot, ka jingnang jingstad jong ki nongshong shnong. Ha ka sngi ka ba bud pat la pynlong ia ka free eye camp ha kaba da ki spah ngut ki nongshong shnong bad kiwei de na ki shnong ba marjan ki la ioh jingmyntoi na kane ka eye camp. Ka NSS unit ka la pynlong ruh ia ka Cleaning Drive halor ka phang “Healthy Youth for Healthy India” ryngkat ka jingia shim bynta ki khynnah skul jong kane ka shnong.
La ioh ruh ka jingkren ai jingtip (awareness) na u Ma H.H.Mohrmen. La sam ruh ia ki dustbin sha ka shnong. Ha kane ka camp la pynlong ruh ka jing ialehkai football friendly match hapdeng ki samla jongka shnong bad ki NSS volunteer. Ha kaba kut jong kane ka camp la sam ruh ia ki prize bad certificate sha ki nongia shim bynta da u rangbah shnong u Ma A. Lypon ha ka jingdon ryngkat ki Programme Officer jong kane ka College.(SP News)
