Shillong,Lber 31: ka RBYDSO kaba dei ka wei na ki sengbhalang ba paw khmat ha poh Ri Bhoi kala shim ia ka rai da ka dorbar pyllun jong ka genaral Council kaba long ha ka 29 tarik mynta u bnai ,kat kum katei ka jingialang kaba la pynlong la dei ban jied noh ia ki nongkitkam jong ka na ka bynta ka samoi trei kam jong u snem 2014 haduh u snem 2016, hynrei na kidaw ka jingbym poi lut ki ki dkhot ba dei ban wan jied ia ki nongkitkam thymmai jong ka na ki tnat treikam bapher bapher kiba kynthup naduh ki Zone , Circle bad ki unit jong ka seng hi baroh ka wei la pynsangeh noh shwa.
Kat kum ka khubor la ong ba ka RBYDSO haduh mynta kaba don 13 tylli ki tnat trei kam jong ka kylleng ka Ri Bhoi District, ka ba kynthup naduh ki Zone , Circle bad ki unit hynrei ha ka tei ka jingialang na ki tei ki 13 tylli ki tnat treikam jong ka seng na kylleng ka Ri Bhoi district kim lah poi lut satia artylli ki unit bad circle , kumta hadien ka jingbishar bniah ia ki percentage jingpoi jong ki dkhot , bad ki rules kyndon jied nongkitkam jong ka seng la shem kam pat lah ban jied ia ki nongkitkam thymmai jong ka bad la shim pat ia ka rai ban pynlong ia ka tei ka jingialang jied nong kitkam ha ka 26 tarik u ne u bnai ban wan ka ban long ha Nongpoh.
Hadien kane ka rai ka seng ka la pyniaid shakhmat ia ka jingialang ban ia phylliew jingmut lang da ki wei pat ki agenda ba kumno ban nang pynkhlain shuh shuh ia ki rukom trei kam jong ka seng ha kine ki sngi ban dang wan la ong kat kum ka kyrwoh na u samla Riskhem Lyngdoh Asst General Sect in-charge administration , jong ka seng kmie ,RBYDSO.
Ha ka wei pat ka liang kat kum ka tyllong khubor bad u president rangbah duh jong ka seng kala iathuh u lah ban shong thaid noh kum u president ka seng ha kane ka kynti da ka jingthmu ban kyntiew lang ia ki wei pat ki para nongialam hapoh seng
Kum ban shu pynkynmaw u samla D Malai u dei u nong seng nongkdang ia ka RBYDSO bad kum u founder President bad haduh mynta u la bat arsien kum u president jong kane ka seng bad ha ka sien kaba lai u lah ban ailad noh ia ki wei pat ki para nongialam jong ka seng da ka jingieid bad ka jingsngewthuh lang hynrei um pat lah ban ong ei ei namar ka rai ka shong ha ki dkhot jong ka , la pynkut ka kyrwoh.(SP News)
