Shillong, Lber 19: Ki pulit jong ka jylla Meghalaya kila ioh ia ka jingujor ha ka 12.2.2014, ba u Ramanuj Das ba shong bas ah ha Bishop Cotton Road, Shillong u la ong ba u para jong u u Digbijoy Das u la jah na iing naduh ka 7.2.2014 hynrei ha dien kila ioh ia ka phone ba ki don ki briew kiba kam ia lade bad ki dei kiba la rah bor ia u bad ki la dawa 2 klur tyngka.
Kine ki nongrah bor ki la ong ba lada kim siew ia ka ar klur ba ki dawa kin leh ia kaba don kam, na ka liang jong ki pulit kila thaw ia ka kynhun kaba kyrpang hapoh ka jingialam jong u Bah Vivek Syiem,MPS, Superintendent of Police(City), Shillong ban tohkit ia kane ka kam.
Na ka liang jong ki pulit kila pyrhsang ban leh ia kano kano ka bynta kaba kin pynlait ia u nongshah rah bor bad ba kan nym don pat kano kano ka jingjia kaba sniew ia u na ka jaka kaba ki la tip ba u don ha Gaspara Simola, Amsui kaba hap hapoh jong ka Nagaon District jong ka jylla Assam.
Ha kane ka jingtrei shitom jong ki pulit kila ioh ban kem ia u Rashendra Paul (39 years) ba shong ha Jail Road, Shillong, Tapas Paul(21 years) na Jamunamukh, Nagaon, Pradeep Das (29 years) na Senshua, Nagaon, Tarender Das (38 years) na Amsui, Nagaon bad Bhutka Das (30 years) jong ka Amsui, Nagaon
Na kine ki briew la ioh ban kurup lai tylli ki mobile, kawei ka pistol. Kine baroh san ngut mynta ki don ha kti jong ki pulit bad ka jingtohkit ia ki ka dang iaid sha khmat.(SP News)
