Shillong, Nailur 04:Ki shipai suin jong ka Indian Air Force ha kine k
i sngi la ka trei bor bah ban pynlait im ia ki heh shipai jong ka Ri Bhutan na ka jingmynsaw ka jong ki ha ka jingbethei.
Dang shen ki shipai Indian Air Force ki la shimti ia ka kam ban pynlait ia ki shipai jong ka Ri Bhutan na ka jingsah kut ha ka jingbthei na ka jaka kaba la tip kum ka Bumthang kaba don ha pdeng jong katei ka Ri ia kaba la tip kum ka Thimpu ha kaba ki hap ban wan kit sha Guwahati.
Katba ki shipai suin ki dang wan sha Guwahati ki la ioh ia ka jingtip ba ka la don ka jingbthei ha kaba ki shipai jong ka Royal Bhutan Army ki la mynsaw ha kane kajingjia ha ka jaka kaba la tip kum ka Haa bad kane ka helicopter ka la leit sha katei ka jaka ban kit ia kiba mynsaw.
Kiba mynsaw ha kane ka jingbethei ki don san ngut kiba la shitom jur bad ia kine la kit na Haas ha Thimpu, kane ka jingkloi lan jong ki shipau suin jong ka Ri India kiba la pyndon don da ki helicopter Mi-17 V5. Na ka liang jong ki heh shipai bah eh duh jong ka Royal Bhutan Army Chief u la pynpaw ia ka jingsngewnguh ia ki shipai jong ka Ri India kiba la leh ia kane ka kam kaba khraw.
Kum kine ki jingjia na ka liang jong ka Ri India ka la juh leh na ka por sha ka por ban pynlait im ia ki briew jong katei ka Ri namar ki don ha ka jingeh kaba kim lah ban leh da lade na ka liang jong ki shipai suin jong ka Ri India kiba don ha NE ki la ioh ia kane ka lad ba kin iarap ia ki briew kati ka Ri haba ki shem jingeh.(SP News)
