Tura, Lber 15:ka seng lehnoh Garo National Liberation Army (GNLA) mynta ka sngi ka la pynlait paidbah ia ka Video kaba la record ia ka jingkren ha kaba ia dei bad ka jingdawa jong ki ia ka jylla Garo lane kata ka Garoland.
Ha kane ka Video na ka liang jong u Sohan u la ong ban pynioh ia ka jingdawa jylla la ka jong dei tang lyngba jong ka sain pyrthei bad ban ioh ia ka jylla Garoland ka dei ka hok ka jong ki. U tei u nongialam jong ka seng lehnoh u la pynksan ia kane ka jingdawa ka jong ki katkum ka Riti Dustrur synshar jong ka Ri India.
Na ka liang jong ka seng kan dang ia bteng ia ka jingiakhih ka jong na ka bynta kane ka jingdawa, ki nongialam jong ka seng ki la shah kem bad sha set na ka bynta kane ka jingdawa bad bun ki don hapoh along.
Na ka liang jong u Sohan u la ong ba ka sorkar ka dei ban pyrkhat ha kaba ia dei bad ka jingtyrwa jong ka seng ban ia kren ia suk bad ka seng ka dawa ba dei ban pynlait noh mar dor ia u nongialam jong ka seng u Champion Sangma”.
Na ka liang jong ka sorkar ha kaba ia dei bad ka jingdawa jong ka seng GNLA ban ia kren ia suk ka sorkar ka dang don hapdeng ka jingiapyrkhat ia kane ka kam. Ia kane ka Videa na ka liang jong u Sohan u la phah sha ki lad pathai khubor lyngba jong u Savio Marak.
Na ka liang jong u Savio u la ong ba ki kwah ba ka sorkar kan sngewthuh ba ka seng GNLA ka kwah ban ia kren ia suk bad ki kwah ia ka jingshong suk shongsain.Ha kaneka video message, Sohan u la ong ba ki kwah ba ka sorkar India kan ioh sngew da kaba ong “mera bharat mahan” bad “Jai Hind”.
