Shillong, Iaiong 22: Ka kynhun Village Defence Party jong ka shnong Pongtung kaba hap hapoh jong ka Pynursla Plice station mynta ka sngi ha ka por 5.30 jan met ka la ioh ban pynlait ia u Nitu Kuri na ka shnong Lyngkhat na ka jingthmu jong ki riew sniew ban rah bor bad lute ia u.
Kine ki lai ngut kiba la shah kem ki long u Tensing Khaonglah u dkhot ka seng Hynniewtrep National Liberation Council u ba la wan ban pyndem wait na ka shnong Lapang, Markos Khongsan na ka shnong Nongtyngur bad u Willson Mukhim na ka shnong Mawpat.
Ki dkhot jong ka VDP jong ka shnong Pongtung mar ia ioh jingtip ha kaba ia dei bad kane ka jingjia ki la beh thong bad ioh kem ia kine ki briew kiba la thmu ban rah bor bad lute ia u tei u briew katba u dang don ha katei ka jaka. Na kine ki briew la ioh kurup kawei ka pistol bad ar tylliki mobile.(SP News)
