Shillong, Naitung 09: Ka Seng Hynniewtrep National Liberation Council (HNLC) ka lah pyllait noh ia u samla Rochestar Mylliem Kamar ia kaba la juh tip kum u Bah Bamut na ka jinglong dkhot hapoh jong ka seng u ba dei na Mawlai Umthlong
Ka jingpynlait noh ia u Bah Rockestar da ka seng ka long na ka daw ba ym shym don haka met ka phad kaba koit bakhlain. Ka seng ka la pynlait ia u na duh ka 15/03/2013. U Bah Bamut u dei uba bat iaka kyrdan Corporal bad u lah dep iaka jingpyntbit haka kam ha u snem 2003 na Aru Sumer Camp.
Ka Seng ka ngeit skhem ba kiba haiing ba hasem jong u kin pdiang ia kane.Kum ka seng ka ai khublei bad kitbok ba un koit un khlain noh,kumjuh ruh ba un lah ban ieng hala ki jong ki kjat khlem da shah pynbiej ne shah thied haki Nongshun.
Kum ban shu pynkynmaw ba ia u Banpyrkhat Langstieh lah pyllait da ka seng kham mynshuwa hynrei ka tnad pulit pat ka lah kem bad set beaiñ ia u, Ngi khmih lynti ba ia une u Samla kan nym jia shuh,lada ka dang jia ka jingeh iaka tnad pulit hi, kane ka long katkum ka kyrwoh kaba la phah da u Bah Saiñkupar Nongtraw u ba kam ba u dei u Publicity SecretaryHNLC.(SP News)
