Guwahati, Naiwieeng 24: Mynta ka sngi ka la don ka jingkhynra hapdeng ki pulit ka jylla Meghalaya bad ka jylla Assam ha ki thain Bugalmari bad ha kane ka khynra la lah ban pynlait im ia u ohpisar ka tnad thain jain jong ka sorkar Assam na ka kti jong ki lehnoh kiba la rah bor ia u na Garo Hills.
Ki pulit ki la pynthikna ba ki lehnoh kiba la rah bor ia u ophisar ka tand thain jain jong ka jylla Assam ki dei na ka seng lehnoh Rabha National Liberation Front of Assam (RNLFA). Ha kane ka jingleit jong ki pulit ka la don ka jingiather kuli kaba mar kylliang kaba la jurbha.
Ha kane ka jingiasiat kaba mar kylliang saw ngut ki lehnoh jong ka seng RNLFA ki la kyllon iap ha shen bad ki pulit ki la ioh ban pynlait ia u tei u ophisar. Kane ka jingiasiat ka long ha ka jaka kaba la tip kum ka Bugalmari kaba jngai kumba 10 km na Dudnoi.(SP News)
