Tura, Jylliew 18: Ki pulit jong ka jylla Meghalaya mynta ka sngi kila ioh ban pynlait ia u Arvind Kumar Manger jong ka SBI ha Ampati na ka kti jong ki lehnoh ha ka por phra baje mynstep na ka shnong Milliem kaba don ha Jan Damalgre.
Ki briew kiba la suba ba ki dei ki lehnoh kila rah bor ia u Kumar na Garobodha katba u dang leit sha Amapti, Ki lehnoh kila rah ia u bad ia u nongniah ia ka kali hynrei kila pynlait noh ia u nongniah ha Rangsakona.
Ka jingkhynra jong ki pulit ha kine ki ar sngi ia katei ka thain kala long bad miet bad sngi ha ki jaka jong ka Garonadha bad Rangsakona kibynta kiba hap hapoh jong ka South West Garo Hills bad West Garo Hills.
Na ka liang jong u Assistant Genenral manager jong ka SBI, ba dei peit ia ka Garo Hills u Nixon Joseph u la ai khublei kyrpang ia ki pulitjong ka jylla Meghalaya kiba la trei bor bah ban pynlait ia u Kumar mananger jong ka SBI kaba don ha Ampati.
Kathaduh ba thoh ia kane ka khubor ka jingkhyra ia katei ka thain ka dang iai bteng ban thwet ia ki lehnoh kiba la rahbor ia u tei u heh jong ka SBI.(SP News)
