Shillong, Naiwieng 12: Mynta ka sngi ki pulit katba ki dang iaid pahara ha iew polo la iohi kynsan ba u wei u briew u la mareh kynsan bad kane kala pynlyngoh ia ki bad ki la ia beh bad la ioh ban kem ia une u ba phet ha jan jaka pynngam blei thaw.
Ha dien ba ki pulit ki la ioh ban bat ia u la tip ba u dei u Faster Wahlong na Nongmynsong, na ka liang jong ki pulit ki la ong ba ha katei ka por ba phet na Iew Polo u dang pyrhang ban kawang petrol bomb.
La ong ba ha katei ka por u Wahlong u la iohi ia u pulit K P Singh ha ka por ba u thmu ban kawang petrol bomb bad u la phet noh na katei ka jaka. La ong ba ha kane ka jingiabeh ki don ar ngut ki briew bad u wei u la laitphet.
Na ka liang jong ki pulit ki suba jur ba u lah ban dei une u juh u briew u ba la kawang petrol bomb mynih ha iew polo ia kawei ka dukan kyiad.(SP News)
