Shillong, Naiwieng 14: Ki shipai ia da khappud ki Border Security Force (BSF) kila treiborbah ha kaba ki lah ban pynlait ia nongkhaii u Janking Marak na ki nongrahbor ia kaba la suba ba ki dei dkhot jong ka seng lehnoh GNLA.
Ki lehnoh GNLA kila rahbor ia u marak ha ka 10 tarik mynta ubnai na South Garo Hills. Na ka liang jong ki BSF ki la ap ktem ha khappud bad ka Bangladesh ha ki thain Gasuapara namar ki lehnoh kijuh phet sha Bangladesh.
Katba ki lehnoh GNLA ki dang wan da ka jingthmu ban phet sha Bangladesh da kaba the ia ki khmatjong u nongkhaii ki BSF ki la beh bad ki lehnoh kila phet bad ieh ia u nongkhaii ha juh bad kane ka la pynlong ia ki BSF ba kin ioh ban pynlait noh ia u ne u nongkhaii.
Na ka liang jong ki BSF ki la rah ia u Marak sha jaka ai jingsumar bad la aiti sha kiba ha iing ha sem bad la pyntip ruh sha ki pulti jong ka jylla ha kaba ia dei bad kane ka jingioh jong ki ban pynlait ia u nongkhaii na kti jong ki lehnoh.
Ia une u nongkhaii la rahbor da ki lehnoh kiba la suba ba kidei ki dkhot jong kaseng GNLA na iing sah jong u Marak ha dien ba u khlem siew ia ka jingshah dawa pisa ha ki lehnoh.(SP News)
