Shillong, Risaw 15: Da ka jingthmu ban pynshlur ia ki kiba haduh 18 snem ba kin leit sha ki skul ka District Coordinator SSA jong ka East Khasi Hills ka la pnylong ia ka jingialang ha ka shnong Pongtung.
Ka kong Cordilia B Rynjah ka la ong ba ka jingpynlong ia kane ka jingialang ka long ban pynshlur ia ki khynnah ba kin leit sha ki skul, kane ka long kyrpang ia ki khynnah kiba la pep skul bad kiba lah ban pule ka long wat haduh ka rta kaba 59 snem.
Ha kane ka jingialang kiba la ia poi ki long ki doctor nap oh Civil Hospital Shillong lem bad ki heh jong ka SSA. Ha kane ka sngi kiba la pynrung kyrteng ia la de ki la kot sha ka 118 ngut. La ong ba kum kane ka jingai jinghikai kaba kyrpang ha ka jylla baroh kawei kan long tang 10 tylli.
Ia kum kane ka jingialang yn sa pynlong pat ha ka Riad Shabong ha ka 22 tarik mynta u bnai bad kane kan bteng haduh ka 12 tarik jong u Naiwieng ban wan, la ong ka kong Rynjah. Ki Doctor kiba la ia don lang ki long u Dr. R. Nongbet (ENT), Dr. N. P. Laloo (Ortho), Dr. A. K. Roy (Psychiatrist) lem bad kiwei ki doctor.(SP News)
