Khliehriat, Jymmang 22: Ka Meghalaya Pradesh Mahila Congress, ka la rakhe ia ka sngi iap ba 22th jong u Rajiv Gandhi ha ka 21 tarik mynta u bnai ha Khliehriat East Jiantia Hills District.
Ka jingthmu jong kane ka jingialang ka long ban pynsngewthuh ia ki paidbah ban ia leh pyrshah ia ki kam lehnoh kiba wan rah tang ia ka jingdunong ha ka Ri, Ka jylla bad ki shnong ki thaw. Ka president jong ka MPMC ka kong Ebel M. War ka la long ka kongsan ha kane ka sngi ha ka jingiadon lang kiwei ki dkhot jong ka seng.
Ki nongkren ha kane ka sngi baroh ki la kdew ba ia kane ka sngi iap jong u Rajiv Gandhi la niew kum ka sngi ban ialeh pyrshah ia ki kam lehnoh ha kane ka ri.Ia ka jigialang la pyniaid da u Dr Pher Nongtdu, kiba la kren ha kane ka jingialang ki long ka kong Milian Ryngkhlan, u Bah Iasyllok Lyngdoh, Youth President bad kiwei kiwei.
Ha kane ka jingialang ki nongkren kila pynpaw ba ki kam sniew ha kine ki sngi kila jyllei sha ba palat bad ban ia leh pyrshah ia ki dei tang da ka jingiatreilang jong ki paidbah.(SP News)
