Shillong, Nohprah 6: Ki pulit jong ka East Khasi Hills District mynta kasngi ki la pynlong ia ka jingai jingsumar ei ha ka liang jong ka koit ka khiah na ka bynta ki long iing kiba duk ba rangli.
Haba ba kren ha kane ka jingai jingsumar ei na ka liang jong u bah M Kharkrang SP jong ka East Khasi Hills haba kren ha kane ka jingialang u la ong ba kane kan long ka jingiarap ia ki briew kiba duk ba rangli.
Na ka liang jong u bah Kharkrang u la ong ba kane ka jingiarap jong ka Reach Shillong Ministries ki la ia treilang na ka bynta ban shakri ia ki briew. Baroh kiba la shah sumar ha kane ka sngi ki don 25 ngut.
Kiba bun na kine kiba shitom ki don ia ki jingpang kiba ia dei bad ka snieh doh ka jong ki bad ka jingpang baiong khlieh ne jyrhoh. Bun na kine ki ba pang ki dei kiba duna ban ioh ia ka jingbam kiba lah ban tei ia ka met ka jong ki.(SP News)
