Shillong, Rymphang 09: Ka kynhun ia kaba la tip kum ka ‘The Art of Living’ kala pynlong ia ka jingialang kaba hynriew jong ki kynthei ha ka jaka trei kam ka jong ka ha Bangalore, India.
Ha kane ka jingialang palat ia ka 800 ki briew kila ia poi na kylleng jong ka pyrthei ban leit ia shimbynta ha kane ka jingialang . ka jingthmu jong kane ka jingialang ka long ban wanrah ia ka im suk im sian hapdeng ki para jaid bynriew ha ka sla pythei bad ban pynshlur ia ka jingai ia ka jingnang jingstad ia ki kynthei.
Kiba kham paw ki briew kiba la ia poi sha kane ka jingialang na pdeng kitei ki 800 ngut ki long ka nongrwai ka Asha Bhosle, ka kurim jong u president ka Ri Srilanka ka Shiranthi Rajapaksa, ka nongai ktien jong ka seng BJP ka Meenakshi Lekhibad ka nongialam jong ka seng Congress na Utter Pradesh ka Rita Bahuguna Joshi, ka president barim jong ka Ri Sri Lanka ka Chandrika Bandaranaike Kumaratunga bad ka Dr. Husn Banu Ghazanfar ka myntri jong ka Ri Afghanistan kaba dei peit ia ka tand women affair.(SP News)
