Shillong, Rymphang 01:Ka seng Mawkynrew Constituency Football Club (MCFC) kala pynlong ia ka jingiakynjat ball kaba nyngkong ia kaba la pynlong da kane ka seng. Ka jingthmu ka long ban kyntiew ia la lawei.
Ia kane ka jingialehkai la plie da u Bah C Lyngdoh Additional Commissioner jong ka tnad ka kit ka bah jong ka sorkar jylla. Haba kren ha kane ka jingialehkai kynjat ball u bah Lyngdoh u la ong ba ka long kaei kaei kaba sngew tynnad ban iohi kane ka jingialehkai kan sei ia ka sap jong ki briew katei ka thain ha ki kam ia lehkai.
U bah Kyntiewlang Buhphang nongai buid ka seng u la ong ba ka jingthmu jong kane ka jingialehkai ka long ban wad ia ka sap ka phong jong ki samla kane ka thian ki ba don ia ka sap ha ka jingialehkai kynjat ball. Ha kane ka sngi sdang ka jingialehka ka long ha pdeng ka shnong Mawsir bad ka shnong Rapleng. Ha kane ka jingialehkai ka shnong Rapleng ka la long ka nongjop.(SP News)
