Shillong, Rymphang 14: Ka Meghalaya Youth Foundation (MYF), da ka jingiatreilang bad ka Indian Council of Agricultural Research (ICAR), Umiam kala pynlong ia ka jingai jinghikai ia ki nongrep ha ka shnong Synniasya ha kaba da ki spah ngut ki nongrep kila wan ban ia shim bynta ha kane ka jinghikai.
Kane ka jingai jinghikai kaba shisngi kala ai jingiarap shibun ia ki nongrep ha kaba ki nongkren ha kane ka sngi ki dei ki riew shemphang kiba na katei ka jaka wad bniah ia ka rep ka riang . Ha kane ka sngi la batai ia shibun ki jingrep kiba ha rukom na ka bynta ka jingmyntoi jong ki ba kin kiew ha ka rep ka riang.
Ha kane ka sngi ruh la ai sngewbha sha ki nongrep ia ki symbai jhur kum u Sohsaw, Symbai Kubi, kajor bad ia ki synduk ri ngap bad ka sboh dawai. Ki paidbah kane ka shnong ruh kila pynpaw ia ka jingsngewnguh ia ka seng kaba la leit ban ai ia kane ka jinghikai ia ka rukom rep.(SP News)
