Shillong, Nailur 21: Ia ka jingai khusnam kaba 10th jong ka Raid Laban la pynlong mynta ka sngi ha Soso Tham Auditorium Shillong da ka Raid Laban Sports, Social and Cultural Organization lem bad ka jingiatreilang jong ka tand pule puthi jong ka sorkar Meghalaya. Ha kane ka jingai khunsnam baroh ki samla kiba la ioh ia kane ka jingpynkup burom mynta ka sngi ki long 288 ngut.
Kane ka jingai khusnam ka long na ka bynta ki long iing kiba duk kiba la lah ban kiew ha ka jingpule ka jong ki. Ha kane ka sngi la air uh ia ki Laptop sha ki samla pule ha ki 12 tylli ki kyrdan pule na ka bynta ki samla jong ka 19th South Shillong Constituency kiba pule ha pdeng Class X bad Class XII.
Ha ka jingkren u bah F R Kharkongor secretary ka tand pule puthi u la ong ba ka jingjop ka wan da ka jingangnud . U la kyntu ia ki samla pule ba kin long kiba la pynkhreh ban ia khun ia lade ha ki jingiakop baroh namar kane ka juk kaba mynta ka dei ka juk jong ka jingiakop ha ka liang ka pule puthi.
La ong ba kum kane ka jingpynkup burom ka long ban ai mynsiem ia ki samla ba kin dangkiew sha jrong ha ki jingpule ka jong ki. Ia kane ka jingialang la pyniaida u Bah Sanbor Shullai president jong kane ka seng, u ba dei ruh u Deputy Speaker jong ka iing dorbar thawain ka jylla.(SP News)
