Shillong, Lber 31: Ban rakhe ia ka jingle burom ia ka jingdap 150 snem jong ka sngi kha jong u nongseng ia kane ka khynhun u Swami Vivekkanada la pynlong ia ka jingiakynduh lang jong baroh ki jiad niam kiba don ha kane ka nongbah Shillong ban ia phylliew jingmud ia kaei kaba u tei u riew khraw u don bad u kren.
Ha ka jingkren jong u Fr Joseph Cilia naka bynta jong ki jaid niam Khristanm u la ong ba u Jisu u la wan sha kane ka pyrthei naka bynta baroh ki jaidbynriew khlem da thew kyrpang ia no iano ruh, khlem don kata ka jingieh shiliang ia kiba duk ne kiba reiw spah, hynrei u jisu u ieit ia baroh da ka juh ka jingieit.
Kiwei pat ki nongkren ki long u Uggen Tshewang na ka niam Buddhist ha ka jingkren jong u la kdew ia ka jinghikai jong u Budha, na ka liang jong ka seng khasi la kren da u Bah Banteilang Singh Rumnong, ha ka jingkren ka jong u la ban jur ia ka jingialang kawei jong ki jaidniam baroh.
Na ka niam Sikh la kren da u Sardarni Milan Kaur, ha ka jingkren ka jong u la ong ba katkum ka jinglong jong ki niam baroh ka long ba u beli u don tang u wei bad kata ka long ban long ki briew kiba im hok. Na ka liang jong ka niam Jainism la kren da u S K Singh, u la ong ba kaba kongsan heh ka long ba kum ki briew ki dei ban long kiba kloi ban ia map mar kyllaing ia ka jingbakla para briew.
Katba na ka niam Islam la kren da u M S N Hahman nonghikai ka NEHU bad u Abdirahhaman Ali Issack na Kenya la ong ba ka niam Muslim ka hikai ia ka jingiaieit para briew bad ka jingialong kawei.(SP News)
