Shillong,Naitung,02:Ka Youth Hostel Association of India (YHAI), Meghalaya chapter ka la pynlong iaka jingiaiaiad kjat khynthup na duh ki khynnah samla , tymmen kum juh ruh ki khynnah skul. Ha ka sngi saitjain, ia kane ka jingiaid kjat la sdang na ka Shnong Nohwet sha Mawlyngnong,kumba saw spah tam ei ei ki briew ki ba la ia shim bynta
Ka jingiaid kjat la sdang na shnong Nohwet ha kaba la pynlong ia ka
jingiakren ban batai ia ka jingmut ba la pynlong ia kane ka jingiaid
kjat. Ba la pyniaid ia ka jingialang ha kane ka por da u chairman ka YHAI
Meghalaya Chapter bah ED Nongsiang, Bah Kular Khongjirem Organizing secretary. La khaweh lama shwa ban iaid da u sordar Bah Kri Tangsong
La batai ba ka jingpynlong ka YHAI ia kane ka jingiaid kjat, ka long
ban pynsngewthuh bym dei ban shu pynjot ne pynsniew ia ka mariang
hynrei dei ban pynneh pynsah ban pynitynnad ia ka. Ka jingiaid kjat kan long ruh ka khubor sha kiwei, ba dei ban sumar bad ban ieid ia ka mariang namar
khlem ka mariang, u briew um lah ban im.
Ka Mawlynnong ka dei ka wei ka shnong ka la paw bha ha ka jingkhuid bad ka dei ka shnong nongkyndong la tip paid bah ruh ba kane ka shnong ka dei ka wei na ki shnong kaba khuid tam ha ka dew bah Asia,
Ka jingiaid ka sdang na Nohwet sha Riwai, Mawlynnong, Nongeitniang, Nongkyndah ban poi sha Nongtyngur bad la pynkut syndon hangne iaka jingiaid, bad ha kane ka shnong la pynlong biang sa ka wei ka jingialang, hangne la sam Certificate ruh sha ki nongshim bynta ha kane ka jingiaid kjat.(SP News)
