Shillong, Kyllalyngkot 27: Ban pdiang sngewbha ia u snem thymmai, ka Laitumkhrah Sports, Social & Cultural Club ka la pynlong ia ka musical evening ha ka 24 tarik Kyllalyngkot 2014 ha Don Bosco Hall, Laitumkhrah, Shillong.
ka Kongsanha kane ka sngi I la long i Dr Ampareen Lyngdoh, local MLA iba longruh i Chief Patron jong ka Club. Ha kane ka janmiet la pynsngewtynnadia ki paidbah da ki nongtem bapawnam kiba kynthup ia ki StraitBrothers, Cross Roads, 4th Element bad ki Cubicles. La plie ia ka
prokram da ka jingrwai na I Michelle Dkhar bad u DJ Gavian Lyngdoh u
la pynshongshit ia ka janmiet da ki jingrwai bapher bapher.
Haba kren kum I kongsan ha kane ka janmiet, i Dr Ampareen Lyngdoh I la
ong ba ka Sports Club ka la iaid ia ka lynti kaba dap da ki jingtynjuh
suda. Hynrei I la ban jur pat ba I don ka jingshaniah ha ki member
jong ka Club bad ki nongshong shnong jong ka Laitumkhrah ban nang
trei shitom ban kyntiew ia ki sap bapher bapher jong ki khynnah shnong.
U MDC ka Malki- Laitumkhrah u Bah Antonio War uba long ruh u President jong ka Club ha ka jingkren jong u, u la ong ba ka Sports Club kan
nang iai trei borbah ia baroh ki kam ka bad u la kyntu ia ki nongshong
shnong ka Laitumkhrah ban ai lem ka kti kamon ka kti kadiang ia ka
Sports Club ha ki kam bad jingthmu babha baroh jong ka Club. Ha kane
ka janmiet u Bah u la air uh ia ka work order kaba 10 lakh tyngka na
ka MDC Scheme sha u Rangbah Shnong ka Shnong Laitumkhrah u Bah
Patrick Nongrum ban shna noh ia ka iing Dorbar jong ka Laitumkhrah
Dorbar Shnong Pyllun.(SP News)
