Shillong, Rymphang 12: Ka Rajiv Gandhi National Institute of Youth Development (RGNIYD) ha ryngkat ka jingiatreilang bad ka Nongkrem Youth Development Association bad ka Ophis jong ka Nehru Yuva Kendra Sangathan, Shillong, ka la ioh ban pynlong ia ka Training kaba 5 sngi lynter ha Ophis jong ka NYDA Training Centre, Nongkrem halor ka phang “Youth Employability” naduh ka 28th Jan’ 2013 haduh ka 1st Feb’ 2013. La plie pyrda ia kane ka Training Programme ha ka 28th Jan’ 2013 ha ka jingialang kaba la pynlong ha ka Training Centre jong ka NYDA, ha kane ka sngi u Zonal Director jong ka NYKS, Meghalaya Zone u R.P.S Thakur u la long kum u Kongsan ha katei ka sngi.
Ha kaba kren kum u Kongsan, u la ai ka jingiaroh shikatdei eh ia ka Seng NYDA kaba la lah ban pynlong ia kum kine ki jait Programme kaba long ka lad jingmyntoi kaba khraw khamtam ia ki Samla kiba khlem kam khlem jam. Ha kane ka sngi plie la ia don ryngkat lang ruh u Dr. D. Singh Salam District youth coordinator NYK, East Khasi Hills District ha kaba na ka liang jong u u la pynpaw ba ka Seng NYDA ka dei ka Seng kaba la trei borbah ban kyntiew ia ka ka ioh ka kot jong ki samla kat kum ka jing iaid jong ka por ha kane ka juk kaba mynta bad lyngba kane ka programme kiba bun ki khun samla jong kane ka Thain kin ioh jong myntoi kumno ban sain dur ia ka jingim ha kane ka juk jong ka jing kylla.
Ka NYDA ha kajuh ka por lyngba kane ka kyrwoh ka kwah ruh ban pyntip ba kan pynlong ruh ia ka Cultural Youth Festival kaban sdang naduh ka 14th Rymphang – 16th Rymphang 2013 ha ryngkat ka jingiatreilang bad ka NYK, kumta kala kyntu ia ki khun samla jong ka Thain ba kin wan ban sakhi ia katei ka programme.(SP News)
