Shillong, Jylliew 07: U Chief Secretary jong ka jylla u Bah WMS Pariat ha kine ki sngi u la pynmih ia ka hukum ba ymdei shuh ban thung nongbylla sngi ha baroh ki ophis sorkar bad kane ka hukum kan trei kam noh mardor.
Katkum ki lad jingtip kiba la ioh da u SP News Agency la ong ba kane ka hukum jong u Chief Secretary ka la wan na ka daw ba ki samla kiba la pass ia ka examin kaba la pynlong da ka DSC haduh mynta ym pat lah ban thung kam ia ki.
Kane ka jingpynmih hukum jong u Chief Secretary ka long ba kito ki samla kiba la pass ia ka examin ha kine ki bnai kiba la dep ki la pynlong ia ka jingiakhih ka jong ki da kaba shah thngan. Ha ka jingshisha ka por kaba la buh ba ka exam kaba la pynlong da ka DSC ka kut noh tang hapoh shisnem hynrei na kane ka kynti kaba mynta ka sorkar ka la pynjlan shuh sa khyndait bnai.
U myntri ka tnad ka koit ka khiah u la ong ba haduh mynta ym pat iohi ia kane ka jingpynmih hukum, hynrei u la ong ba kane ka lah ban long ha kiwei ki tnad sorkar, ha kaba ia dei pat bad ka tand ka koit ka khiah yn nym lah ban kiar namar ki kam ba kyrkieh.
Ka kong RV Suchiang Commissioner bad Secretary ba dei peit ia ka tnad personal ka la ong ba, kum kane ka hukum la juh pynmih na ka por sha ka por ha kaba ia dei bad ka rukom thungkam nongbylla sngi (Casual) ha kit and sorkar.(SP News)
