Nongpoh, Naitung 20: Sa shisien ka sorkar Assam mytnta ka sngi ka la pynibor ia ka sorkar Meghalaya da kaba phah ia ki pulit jong ka ban pynpra ia ka iing skul SSA ha ka shnong Sabuda kaba dang shna thymmai da ka sorkar Meghalaya.
Ia kane ka skul ha ka shnong Sabuda la ai jingiarap na ka sorkar Meghalaya lyngba ka skhim SSA ban shna ia ka iing ban shet ja sngi ia ki khynnah skul ha katei ka shnong kaba hap hapoh jong ka Ri Bhoi District.
Katkum ki jingtip kiba la ioh da u SP News Agency ki iathuh ba ka iing skul SSA ka la don ha katei ka shnong bad kane ka ba ki shna mynta ka dei tang shibynta ban pynkha ban shet ja sngi ia ki khynnah skul ha katei ka shnong kam dei kaba tei thymmai.
U Deputy Commissioner jong ka Ri Bhoi District haba kren ha u SP News Agency u la iathuh ba u la ioh ia ka jingtip ha kaba ia dei bad kane ka jingjia ba ki pulit Assam ki la wan mynta ka sngi ban pynra ia katei ka iing skul kaba dang shu shna thymmai.
Na ka liang jong u Deputy Commissioner u la ong ba ka sorkar Assam ka la kam ia katei ka jaka bad ka la ong ba ia ka iing skul la shna ha ka jaka jong ki bad ka la buh kajingkylli kumno ka sorkar Meghalaya ka la wan tei ia katei ka iing ha katei ka jaka.
Naka liang jong ka sorkar Assamka la ong ba dei ban pynneh ia ka jingiateh kular hapdeng ki ar tylli ki jylla. Na ka liang jong u DC u la ong bay n sap hah sha ka sorkar ha kaba ia dei bad kane ka jingjia.(SP News)
