Shillong, Naitung 23: Ka All Meghalaya Journalist Union (AMJU) ka pynrem jur ia ka jingktah kti ki pulit Assam ia ki nongpathai khubor ka jylla hynnin ka sngi ha ka por ba ki dang pyndep iala ki kamram ban pathai khubor ia ka jingpynlong Rally ki seng bhalang ha Sabuda, Ri Bhoi District.
Ka seng ka dap da ka jingsngewkhia halor kane ka jingshah ktah kti ki nongpathai khubor bad ka dawa na ki pulit Assam ba nangne shakhmat ki dei ban burom ia ki nongpathai khubor bad ym dei ban shim ia ki nongpathai khubor kum ki paidbhur kiba ia don byntalang ha ka jingiakhih ba pynlong ki seng bhalang.(SP News)
